Bisita birtuala

Gandiaga Topagune-ko lekuetatik ibilaldia

Oteiza, Basterretxea eta Egaña gelak

Eraikineko areto nagusia da, 270 lagunentzako jarlekuak dituelarik.

Hiru gela elkartzean osatutako gunea da auditorioa:

• Basterretxea gela                            50 jarleku
• Oteiza auditorioa                           170 jarleku
• Egaña gela                                     50 jarleku

Auditorioa, edonolako bilerak egiteko diseinatu eta prestatua dago. Lan-saio bereziak, kultur ekitaldiak eta edozein motatako ikuskizunak antolatzeko toki ezin hobea.


Muñoz eta Chillida gelak

Neurri bereko bi gela dira:

• Muñoz gela;                                    50 lagun
• Chillida gela;                                   50 lagun

Gaurko merkatuan gero eta gehiago antolatzen diren enpresa-batzarrak egiteko gune berezien eskaerari era egokian erantzuten diote gela hauek. Muñoz eta Chillida gelek eskura jartzen dituzte, batzarkideen partehartzea bultzatzeko behar diren medio, erraztasun eta zerbitzu guztiak.


Oiza eta Laorga gelak

Oiza eta Laorga, tabikeria mugikorreko sistema bereziaz banatutako bi gela dira. Gela bakoitzean 100 jarlekurentzako tokia dago. Aipatutako tabikeak nahi beste zabal daitezke, horrela aretoa era ezberdinetan antolatzeko aukera emanez: heziketarako gela bikoitza edo 160 lagunentzako aretoa, adibidez.

Oiza nahiz Laorga gelak, mintegiak, hitzaldiak, prentsaurrekoak, bilera informatiboak edota bestelako ekitaldiak antolatzeko gela aproposak dira.


Arrera Lekuak

Gandiaga Topaguneko toki xarmagarrienetakoa da. Espazioa protagonista bihurtzen den gune honetan denbora bat-batean gelditu eta naturak irensten gaituela ematen du. Paisaiaz lasaitasunez gozatzera gonbidatzen zaituen txokoa da atebarrukoa.

Beste guneak:

• Atariko terraza
• Aretoen ondoko terraza
• Garajeak: bakoitzak 15 autoentzako tokia dauka